Hurricane Melissa a Come

 

Melissa a dance pon di ocean floor,
Twis’ up har waist, you shoulda see more!
She spin like gyal in a Jonkanoo band,
Beat up di sea wid a mighty hand.

She hum one tune weh di wind cyaan keep,
Roar like lion weh wake from sleep.
From out inna di east, she start fi prance,
A bruk out step eena hurricane dance.

Di sky tun grey, di wave dem rise,
Boatman a watch wid worry inna him eyes.
Tree leaf tremble, dog dem bawl,
Melissa a whisper, “Mi soon reach unu.”

We tie down roof, we board up door,
Check pon candle, check pon store.
Prayer a climb from every lane,
“Lawd, keep wi safe from di wind an rain.”

Radio an Tv a chat, “She deh pon di way,”
Di whole a yard seh, “We haffi pray.”
But some still laugh, sip tea pon di stand,
“Melissa cyaan stop di strength a di land.”

So we wait, we watch, we ready, we calm,
Trust seh Jah hand a guide wi farm.
If she come wid fury, we still a sing,
‘Cause Jamaica strong—wi survive anyting.